الامتحانات على الأبواب ، و الجداول بيتم التصويت الالكتروني عليها! و المذاكرة المفروض تكون بدأت أو لسة هتبدأ :) و عشان كدة و من باب فكرهم و نكد عليهم :) نحب نفكركم بايه اللي علينا و داخل لغاية فين في الامتحان .
الرياضة:-
محاضرة يوم السبت للمجموعة التانية هتكون اخر محاضرة قبل الامتحان يكون فيها شرح ، و المحاضرة يوم الأربع الدكتور ، هتحل مسائل معانا في المحاضرة، بالنسبة للمجموعة الأولى فهي متأخرة محاضرة - استنتاج - فبالتالي محاضرة السبت و الاثنين ليهم هتكون شرح و ممكن يحضروا محاضرة يوم الاربع مع المجموعة التانية لحل المسائل :)
و بكدة يبقى احنا خدنا حل المعادلات التفاضلية من الدرجة الاولى بحالتها الخاصة بكله ، و خدنا تفاضل جزئي في مجهول و اتنين ، وراجعنا على تيلور و ماكلورين، و بدأنا في حل المعادلات التفاضلية من الدرجة التانية.
الدواير:-
جزء دكتور فتحي : المحاضرة الجاية انشاء الله هتكون حل مسائل و اجابة عن اسئلة و بكدة اخر جزء خدناه كان قبل العيد
جزء دكتور زكريا: - استنتاج - المجموعة التانية كدا مسابقة المجموعة الاولى فاخر حاجة خدتها المجموعة التانية كانت يوم الاربع و كانت طرق حل للدواير.
الفيزياء:-
جزء دكتور معتز : محاضرة السبت (بكرة) هي اخر محاضرة قبل الامتحان و يبقى كدا خدنا.
Michelson and Morley, time dilation,length contraction,Muons, Doppler effect, Lorentz Transformation
+ محاضرة بكرة انشاء الله
جزء الدكتورة مايسة،اخر محاضرة كانت قبل العيد و دا اللي اتشرح في السكاشن يوم الخميس ال3 محاضرات و بكدا
Nuclear Structure, Radioactivity, Atomic Structure (slide 40)
الطاقة:-
جزء دكتور توفيق: في بكرة ان شاء الله محاضرة و دي هتكون اخر محاضرة قبل الميدترم . احنا واقفين لغاية دلوقتي عند سليد 169 عند الجزء بتاع Power factor.
+ محاضرة بكرة هنشوف داخلة في الامتحان ولا لا
و لغاية اللحظة محدش عارف الامتحان هيجيي ازاي في جزء د/ توفيق :)
جزء دكتور نبيل: اخر محاضرة كانت قبل العيد و بكدا خلصنا المحطات الحرارية بكل سليدات
Thermal Power Station
الميكانيكا:-
اخر محاضرة قبل العيد ، خلصنا فيها أول درس ووقفنا عند الدحرجة بدون انزلاق ، و محاضرة الاسبوع دا هتكون حل مسائل ان شاء الله.
الانشاءات:-
الدكتور شرح محاضرة واحدة بس ، و جراء المشاكل اللي حصل في عرض الفيديوهات بعد عرض فيديو فمنعرفش اذا كان
internal forces
معانا و لا ، بس هي اتشرحت في السكاشن !!! فانشاء الله هنتأكد و نبلغكوا
--------------------------------------------------
بالتوفيق ان شاء الله و انتظروا منا مراجعات و مفاجاءات كتيرة الاسبوع اللي جاي....
توضيح:
حكاية الاستنتاج دي عشان المشاكل اللي حصلت في تضارب المعلومات مفيش معلومة اكيدة أو محدش مبلغ معلومة اكيدة لغاية دلوقتي فبالتالي تظل في حالة استنتاج كدا لغاية ما تتأكد .
و نحب نكرر تاني، احنا طلبة اتجمعنا مع بعض بعد ما كنا فرق كتير عشان نوحد الجهد و نقدم خدمة للطلبة اللي زينا كويسة، مش من مصلحتنا اننا نضر اي حد، المعلومة الاكيدة المفروض تجلنا من المندوبين هما المسئولين قدام الدكاترة و المعيدين و احنا يدوب بننقلها زي ما هي، و مع ذلك نعتذر لو حصل خطأ مننا أو طلبة اتضررت بسببنا.
D.E ملخص الـ : المحاضرات كلها والشيتات هنا ← http://goo.gl/H2Rrk ← ملخص الرياضة : ملخص من أول السنة لكل القواني...
◄ الكترونيكس د-شوقي ---------- المحاضرات محاضره 4 http://www.mediafire.com/ ?zg4mjl7yvw2nh...
نظرا ان بكرة الامتحان و مفيش سليدات ل Doppler Effect, Muons , Expanding Universe فدول صفحات من كتاب Concepts of Modern Physics الل...
. D I G I T A L . ♦▬♦▬ ♦ ▬♦▬♦ البوست متجدد .. بمجرد ظهور حاجه جديده تم رفع باقي ورق الكورسات ================= ◄ المحاضرات كلها هتلاقيه...