Mahmoud Mohy

السلام عليكم يا بشمهندسين :]

لو انت عندك calculator من النوع fx-991ES

و عايز تحول رقم من ال Binary لاى نظام تانى اعمل الخطوات دى :

1- دوس على زرار mode اللى جنب زرار on

2-دوس على الرقم 4 لاختيار النظام Base-N

3- دوس على زرار shift و بعدين log يبقى انت كده تقدر تكتب الرقم ال binary اللى انت عايز تحوله 

4- اكتب الرقم اللى انت عايزه تحوله زى مثلا 1101

5- دوس علامة = حتلاقى الرقم اتكتب خلاص عندك 

6- لو انت عايز تحول الرقم لنظام ال Decimal دوس على زرار shift و بعدين X^2 (رابع زرار من ناحية اليمين ف الصف التانى) حتلاقى الرقم ظهر لك تحت ف نظام ال Decimal 

7- لو انت عايز تحول الرقم لنظام ال Octal دوس على زرار shift و بعدين ln (اول زرار من ناحية اليمين ف الصف التانى) حتلاقى الرقم ظهر لك تحت ف نظام ال Octal

8- لو انت عايز تحول الرقم لنظام ال Hexadecimal دوس على زرار shift و بعدين X^() (تالت زرار من ناحية اليمين ف الصف التانى) حتلاقى الرقم ظهر لك تحت ف نظام ال Hexadecimal 

__________________

لو عايز تحول من ال decimal لل binary حتعمل اول خطوتين عادى و متعملش الخطوة التالتة 

4- اكتب الرقم اللى انت عايز تحوله زى مثلا 10 

و اعمل الخطوة الخامسة بردو عادى 

و 6- اعمل shift و بعدين log حتلافى الرقم اتحول لل binary و نفس الكلام بقى بالنسبة لباقى الانظمة 

__________________

#الفكرة الاساسية انك الاول بتختار النظام بتاع الرقم اللى انت عايز تحوله و بعدين بتشوف الرقم ده بيساوى كام ف الانظمة الاخرى

#جرب تحول رقم من ال Octal لل Hexadecimal 

__________________

الالة مش بديل عن الخطوات اللى اخدناها فالمحاضرة دى للى عايز يتاكد من حله بس 

#نفس الخطوات بردو تقدر تطبقها لو انت عندك calculator من النوع fx-991 ES PLUS 

__________________

ياريت تكونوا استفدتوا و شكرا :]